حالة الطقس
يوم الثلاثاء
21 ماي 2019
الساعة: 22:35:26
سطيف- العصابة، الفساد والتعدي على صحة المواطن في ثلاثية الوالي السابق،ECOSET وإلغاء صفقة الحاويات المطمورة.بعد منع مقرئ مغربي من إمامة المواطنين في صلاة التروايح بمسجد النخلة، مديرية الشؤون الدينية توضح.المحافظ العقاري بالعلمة رهن الحبس .الدرك يحقق مع رئيس بلدية عين آزال "عمر بورغدة"" نورالدين بلقاضي" مدير مستشفى سطيف رهن الحبس .
الملتحي مهدم عين الفوارة و الشيخ شمس الدين، حوار إفتراضي من مخفر الشرطة.
صوت سطيف الحر

الشرطي  المحقق : الو معك أمن ولاية سطيف  رانا نُحقق مع ملتحي و راه قال بلي أنت اللي قتلو حطم التمثال تاع عين الفوارة .

الشيخ شمس الدين : بسم الله الرحمان الرحيم واش هذا الكاميرا الخفية مع الصباح ، يا خويا أنا ما قلت لحتى واحد .

الشرطي : راه عندنا تصريح رسمي على المحضر و هاو نعقبلك الملتحي يهدر معاك.

الملتحى : شيخ شمسو  راني طبقت واش قلت لنا و راني كنت حاب النحي التمثال بصح راهم حكموني الشرطة .

الشيخ شمس الدين : اتقي الله يا رجل وشكون قالك نحيه ، وشكون فتالك في هذا ، و أعلاه تقلهم  أنا لقتلك ، لماذا تكذب يا رجل؟ .

الملتحي : انا مانكذبش ، البارح ، كنت نتفرج في اليوتيوب على الفيديو تاعك و لقيتك متحير على هذا التمثال و راك قلت للسطايفية لا ما قدرتوش تنحيوه استروه .... مالا أنا  راني حبيت نحيه  بصح راهم مخلاونيش نكمل و مذا بيك تهدر معاهم باه يطلقو سراحي .

الشيخ شمس الدين: يا حفيظ يا ستار وشكون قالك بلي السطايفية متحيرين على التمثال... بصح معليش معليش فوتلي الشرطي نهدر معاه .

الشرطي : أنعم الشيخ شمسو ، الملتحي راه يقول ثاني  بلي راه أقتدى  بسيدنا ابراهيم الخليل  عليه السلام  الذي حطم  الاصنام واش تقول في ما يقول.

الشيخ شمس الدين: واش بيه هذا ، هذا مريض فهموه بلي النبي إبراهيم الخليل عليه السلام حطم الأصنام ليثبت للناس أنها لا تستطيع حماية نفسها ،  بصح حنا رانا علبالنا بلي عين الفوارة تمثال مهوش صنم و الناس ماتعبدوش  .

الشرطي : راه يقول بلي الإسلام يحرم النظر إلى المرأة العارية واش نجاوبوه.

الشيخ شمس الدين: و هو واش داه ثما حتان يشوف هذا المرأة العارية ، انا راني جيت لسطيف و عندي حبابي  و صحابي و نسابي في سطيف و كنت نبات في الفندق قدام هذا العين بصح  عمري شفتها ،   هذا لازمو رقية .

الشرطي : و الحل ضرك كيفاه  التمثال تخرب  و الناس و السلطات راهي حيرانة  .

الشيخ شمس الدين: ميتحروش خلاص  راني قلت لهم هذاك العام  استروها  و هذه  فرصة باش يستروها ... بصح ماتصتروهاش كيما عين بنت السلطان تاع معسكر .... راه عندكم الملاية و الحيك ... شوف ديرونا وحدة بالحايك تنفع ....

 الشرطي : صحيت شيخنا زيد قلنا برك ، و تحطيم التماثيل حلال و لا حرام .

الشيخ شمس الدين: انت حاب تورطني ، بصح نقلك عمر بن العاص نهار فتح مصر لقى المعابد و الاهرامات و التماثيل  للفراعنة المشركين ، بصح ما حطمهمش و شوف خاوتنا المصريين راهم عايشين بالسياحة .

الشرطي : حبيت تقول بلي الملتحي  راه غالط و لازم يتعاقب .

الشيخ شمس الدين: يا ولدي راكم عيتوني ..... راني مقلت والو تبقاو على خير.

 ---------------- شاهد افتراضي على الحوار / عاشور جلابي / صوت سطيف.


تم تصفح هذه الصفحة 19417 مرة.
فيديو
صورة و تعليق
هدرة الناس
حكومة بدوي تبدأ عملها بالبريكولاج و محاولة شراء الذمم.إقرأ المقالة
قناتنا على اليوتيوب
تطوير Djidel Solutions