حالة الطقس
يوم الإثنين
18 جانفي 2021
الساعة: 10:29:36
نظام الاقتراع النسبي جديد مسودة القانون العضوى للإنتخابات وشهادة جامعية لمترشحي مجلس الأمةبمناسبة اليوم العالمي للبلدية ، 30 رئيس بلدية متابع قضائيا بسطيف و الوصاية تتخبط في تطبيق القانون.حمام قرقور، رئيس الدائرة يطمئن أصحاب الطعون في قائمة السكن و يؤكد حذف كل الاستفادات المشبوهة .سمفونية الزودياك ، إصدار جديد يتناول ظاهرة الحرقة للروائي أبو بكر سيناتور.سطيف، الحماية المدنية، بيان حول الحادث المميت بقجال.
بعد ما تقلقو عليه و جاوه من 03 ولايات ، في لخر : حسام ما لقاش حتى وشكون يعملو السكانير .
هدرة الناس

 

اليوم حبيت نكتب بالدارجة ، ممكن ناس يعجبها الحال و ناس ميعجبهاش ، ميهمش ، التعليق راه مضمون للجميع و كل واحد يقول واش يحب .

 اليوم نهدرو على قضية حسام بن رحال اللي تودر في جبال حمام قرقور ، و صرات عليه حيحاية كبيرة ، و خرجت الناس كامل تحوس عليه ، العسكر و الجدارمية و الشرطة و الحماية المدنية اللي جاو من 03 ولايات كاملة،  و الوالي تاع سطيف تفكر حكاية عياش تاع لمسيلة ، و خلى كل أشغالو ، و راح زار لبلاصة و قالهم رانا هنا و الدولة متقصرش و حسام راه وليدنا و  ما حناش راقدين حتى نلقاوه .

المهم الناس تعلق في الفايسبوك و  تبارطاجي و يدعيو ربي باش يرجع حسام سالما معافا ، و الحمد لله رجع حسام  للدار ، مهتك ، عيان ، تعبان ، جيعان ، تيهان ،  قال ما قال ، فيها لصدقو و فيها لشكك في هدرتو و فيها  لقال الحمد لله المهم راه رجع و ما يهمنيش واش صرا و وين كان .

حسام داوه لسبيطار حطوه تحت الكونطرول 24 ساعة و من بعد طلقوه ، عطاوه وصفة و قالولو روح دير سكانير و أرواح نزيدو نشوفوك .............


هز حسام  الوصفة تاعو و راح روح ، و كي وصل للدار ، لقى السوق تفرق ، و المداحة روحو ، و بقى يخمم منين يجيب الصوارد باه يدير سكانير ، و هو  و باباه  معندهمش حتى باه يتعشاو أو باه يشريو النخالة و الشعير للمعزات ، و زاد تفكر البروسي تاع الموس البوسعادي .

وين راحو هذوك كامل لتحيرو عليه نهار تودر ، وين راهي  الداسا تاع سطيف ، وين راه المير و شاف دايرة ، وين راهم المنتخبون وين راهي الجمعيات .

قصة حسام هي نموذج فقط  ، فكل ما نراه أمامنا من مظاهر التعاطف و الاهتمام بذوي الحاجة و التجند و المؤازرة الآنية و الظرفية هي تمثيبية فقط يحسن الجميع لعب أدوارها باحترافية كبيرة ، و إخراج باهر ، ليبقى أبطال القصة يعيشون نفس المعاناة و أكثر .

يبقى حسام ضحية ، فهو ضحية من ضحيا المآساة الوطنية التي عشناها في التسعينات ، و ضحية من ضحايا الاهمال و التسيب و الهروب من المسؤولية التي نعيشها الان .

ـــــــــــــــــــــــــــــــــــــــــــــــــــــــــــــــــــــــ    عاشور جلابي / صوت سطيف.


تم تصفح هذه الصفحة 60902 مرة.
فيديو
صورة و تعليق
هدرة الناس
بعد ما تقلقو عليه و جاوه من 03 ولايات ، في لخر : حسام ما لقاش حتى وشكون يعملو السكانير .إقرأ المقالة
قناتنا على اليوتيوب
تطوير Djidel Solutions